www.utrinski.com.mk
27 мај 2017 13:47
Актуелно
Архива
Контакт
Редакција
Маркетинг
Претплата
период од-до
-
27.12.2016, 16:21

Ердоган ќе суди и македонски државјанин

Турската амбасада во Скопје тужи наш граѓанин со двојно државјанство зашто го навредил турскиот претседател

Турската амбасада во Скопје повела барање за судски процес од страна на јавниот обвинител против Е.А., македонски и турски државјанин, само затоа што на социјалните мрежи користел зборови што биле навредливи за Турција и за претседателот Реџеп Таип Ердоган. Откако побара „братската и пријателска македонска влада“ да затвора фирми, организации и училишта на Ѓулен, сега повикувајќи се повторно на добрите односи со нашиот државен врв, официјална Анкара бара да се суди наш граѓанин за нешто за што речиси не се водат судски спорови во нашата држава.

Во писмената изјава на амбасадата стои дека лицето користело израз кој е „саркастичен, навредлив и несоодветен“ и дека „со оглед на добрите билатерални односи, амбасадата препорачува надлежниот јавен обвинител на братската и пријателска Македонија да преземе неопходни мерки да го казни осомничениот“, како и сите оние што ќе ја навредуваат турската државна администрација низ социјалните мрежи.

Амбасадорката на Турција во Скопје, Тулин Еркал Кара, нагласила дека амбасадата ќе го следи случајот преку својот адвокат многу внимателно со порака дека „соодветното лице ќе ја добие казната што ја заслужува и дека таа ќе биде предупредување што може да им се случи на оние кои се однесуваат на ваков нерегуларен начин“.

Оваа информација што денеска ја пренесе турската агенција Анадолија се совпадна со веста дека угостител во Турција бил уапсен, бидејќи изјавил дека ако дојде Ердоган нема да го послужи со чај, случај што го пренесе цел свет како куриозитетна вест. Ова барање до обвинителот, освен што го проблематизира пријателството меѓу Турција и Македонија, бидејќи станува оптоварено со многу барања и ги загрозува позициите на нашиот државен врв, покажува и со што се занимава турската амбасада во Македонија. (С.Ј.)

Статијата е прочитана 4733 пати.


Испрати коментар
Живко Митревски се сети на новинарите
Спасовски и Ременски се збогуваат со министерските функции
Половина од пратениците за првпат во Собрание
Конститутивна седница пред новогодишната прослава
Заев-Стафансон - Новата влада да се посвети на реформите

Електронско издание

Денот низ фотографии
 
Најнови вести
21°СкопјеВреме
Претежно облачно
Саб22
Нед20
Пон22
Вто24
Сре26
Чет28
Пет27
Саб26
Нед27
Пон26
НајчитаниНајкоментирани
 
САД: Рамазански апел до муслиманите
Дебата во Бугарија: ќе ја биде ли Македонија?
Маљковиќ: Иднината е во регионалните лиги
     Site Meter   
период од-до
-
Редакција ул. "Васил Ѓоргов" бр.16, четврти кат Тел. 3236 900
Факс. 3236 901
E-mail: contact@utrinski.com.mk
МАРКЕТИНГ